A Fundación para a Orientación Profesional de Galiza (ForGA) organiza na súa sede de Ourense un curso gratuíto de Actividades auxiliares en conservación e mellora de montes, dirixido a persoas desempregadas que busquen unha saída laboral inmediata como peón forestal.
O programa, que comezará nas próximas datas, é 100% subvencionado e inclúe prácticas profesionais así como formación en prevención de riscos laborais.
ForGA abre en Ourense un curso forestal con certificado oficial
O alumnado recibirá unha certificación oficial que lle permitirá acceder a postos de traballo do sector forestal sen necesidade de contar con formación previa. O único requisito é estar inscrito como demandante de emprego.
O curso conta cun máximo de 15 prazas, polo que as solicitudes deberán tramitarse canto antes a través da web forga.gal.
Durante a formación, as persoas participantes aprenderán técnicas de repoboación e corrección hidrolóxica, construción e mantemento de infraestruturas forestais, traballos de desbroce e operacións básicas en tratamentos selvícolas.
ForGA, entidade creada en 1996, dispón dunha rede de centros homologados de formación en Galicia. Este programa formativo conta co financiamento da Xunta de Galicia e o Ministerio de Educación.