A experta en saúde global Belén Codina, con máis de vinte anos de experiencia en xestión pública, consultoría e industria farmacéutica, ofreceu unha ponencia na sede do PSOE de Ourense.
Na mesma, analizou as políticas e estratexias adoptadas polo Goberno progresista durante a pandemia da Covid-19.
Belén Codina destaca en Ourense o liderado político na resposta á pandemia
Durante a súa intervención —que marcou o inicio do ciclo “Conversas na Casa do Pobo”—, Codina destacou que “púxose por diante a saúde global á economía”. Subliñou a importancia das decisións políticas que priorizaron o benestar da cidadanía.
Segundo explicou, a pandemia “ensinounos que sempre que hai vontade política pódense acadar consensos e implementar medidas beneficiosas para a poboación”. A experta puxo en valor o éxito das campañas de vacinación e a rápida resposta sanitaria, que permitiron “protexer á poboación en tempo récord”.
Codina tamén abordou o problema da desinformación e dos bulos que circularon nas redes sociais e dispositivos móbiles durante aquel período. Incidiu na necesidade de fortalecer a comunicación institucional e o pensamento crítico da sociedade.
No encontro, organizado conxuntamente polas executivas municipal e provincial do PSdeG-PSOE de Ourense, a especialista analizou tamén as debilidades actuais do sistema sanitario público. Codina apuntou áreas de mellora que deberían reforzarse de cara a futuras emerxencias sanitarias.