O Nadal chega a Ponte Vella este venres coa inauguración oficial da súa decoración festiva, unha cita que o centro comercial de Ourense celebrará o 21 de novembro ás 19:00 horas.
Deste xeito, o centro comercial da inicio a unha das épocas máis agardadas do ano.
Ponte Vella celebra o inicio do Nadal con música e pista de xeo
O evento contará coa actuación do Coro Cantiga, que ofrecerá un repertorio especialmente preparado para esta tarde tan especial. As súas voces crearán unha atmosfera única que converterá a visita ao centro comercial nun momento cargado de emoción.
O acto busca reunir ás familias ourensás arredor da música e da tradición, nun inicio de campaña marcado pola proximidade e o ambiente festivo.
A programación inclúe unha das propostas máis atractivas da xornada: pista de xeo gratis de 17:00 a 22:00 horas. Esta iniciativa será válida só durante o propio día 21. Esta actividade promete converterse nun dos grandes reclamos para pequenos e maiores, que poderán desfrutar dunha experiencia lúdica pensada para abrir oficialmente a tempada de Nadal en Ponte Vella.
O centro comercial anima á cidadanía a achegarse para compartir unha tarde chea de luz, música e diversión, nun evento que pretende reforzar Ponte Vella como un dos espazos de encontro referenciais da cidade durante estas datas.