A ximnasta do Club Ximnasia Pavillón Ourense (CXP), Daniela Rodríguez Augusto, conseguiu dúas medallas de prata no 53º Torneo Internacional da Amizade, celebrado en Jablonec (República Checa) do 6 ao 11 de outubro.
Pola súa banda, Uxía Cidón Blanco acadou a oitava posición en trampolín individual.
Daniela Rodríguez logra dúas pratas en Jablonec
Daniela subiu ao podio en trampolín individual e sincronizado, nesta última modalidade xunto a Silvia Sánchez, do Club Trampolín Albacete. Ambas as deportistas ourensás clasificáronse para as finais da competición, na que a adestradora do CXP, Inmaculada Pazos Sánchez-Rubio, formou parte do equipo técnico español.
A actividade internacional continuará coa participación de Noa Puente-Dodd Álvarez na Copa do Mundo de Cottbus (Alemaña), do 15 ao 19 de outubro. Ademais, dez ximnastas do club foron convocadas para o Mundial por Idades júnior e absoluto, que terá lugar en Nankín (China) do 12 ao 15 de novembro. Entre elas están Daniela Rodríguez e Uxía Cidón.
