Os Comités de Memoria Histórica da Comarca de Celanova e Val do Límia organizan un acto de homenaxe ó guerrilleiro Ramón Yáñez Pereira.
Asasinado polo bando franquista o 13 de xullo de 1943, este guerrilleiro Monfortino terá un acto de recoñecemento.
Acto de homenaxe ó guerrilleiro Ramón Yañez
Carlos Morais será o encargado de ofrecer unha conferencia no Salón de Arcos da Casa do Concello de Celanova. Este acto terá lugar o domingo, 14 de xullo a partir das 11:45h. Morais repasará a vida de Yáñez Péreira que emigrou a Barcelona e de regreso a Galicia formou parte dunha guerrilla na zona do Laboreiro a principios dos anos corenta.
Foi en Celanova onde tras pedir axuda a un coñecido para poder escapar ó exilio sería denunciado, emboscado e asasinado. Soterrado no cemiterio de San Breixo en Celanova, os comités de memoria lanzaron unha campaña para localizar a familiares de Ramón Yáñez Pereira.
O cartel do evento, obra do artista Baldomero Moreiras, poderá mercarse durante o acto a un prezo de tres euros para financiamento do Comité de Memoria Histórica da Comarca de Celanova.