A plataforma Agora Ourense inicia o camiño das eleccións municipais tras presentar o proxecto político no que conflúen varias formacións.
«Agora Ourense é o froito do compromiso e da xenerosidade dos partidos e dos distintos sectores da sociedade que aúnan as súas forzas dun xeito ilusionante para devolverlle a dignidade á cidadanía de Ourense», indica Toño Naval, candidato da coalición.
Agora Ourense inicia o camiño das municipais
O candidato desta formación estivo arroupado polas persoas que o acompañan nos primeiros postos da candidatura, Antía Vidal, Paco Molina e Lola Lunch. Vidal indicou que existe a «necesidade de fortalecer o tecido social e cultural do Concello, ademais de ofrecer alternativas á mocidade tras anos de desleixo».
A plataforma, suma de seis formacións políticas, preséntase ás eleccións municipais do 28 de maio cun proxecto que cualifican de ilusionante, verde, feminista, cultural e participativo.
Forman Agora Ourense:
- Recortes Cero
- Alianza Verde
- Ourense mellor
- Podemos
- Esquerda Unida
- Verdes Equo Galicia
