O evento de divulgación científica AstroTrevinca alcanza a súa 8ª edición na Veiga que confirma unha vez máis a súa importancia neste eido.
O concello da Veiga conta co Centro Astronómico Trevinca, lugar de referencia na observación astronómica. É precisamente aí onde se celebrará o evento científico entre os días 23 e 25 de setembro.
AstroTrevinca alcanza a súa 8ª edición na Veiga
«O noso territorio á vangarda de todo o que ten que ver coa investigación astronómica e co goce dun dos mellores ceos do mundo» destaca César Fernández, vicepresidente segundo da Deputación de Ourense.
![AstroTrevinca alcanza a súa 8ª edición na Veiga](https://ourensenarede.com/wp-content/uploads/2022/09/Oscar-Blanco-Cesar-Fernandez-e-Juan-Anta-2.jpg)
Na programación de Astro Trevinca hai espazo para conferencias, mesas redondas e observacións. Recoñecidos expertos serán os encargados de mostrar tanto a afeccionados como a profesionais os últimos avances científicos na materia. Entre as presenzas máis destacadas:
- Jorge Mira – físico e divulgador científico
- Minia Manteiga – Catedráticca da Universidade da Coruña
- Ramón Iglesias – Centro de Estudios de Física del Cosmos de Aragón
O director do Centro Astronómico, Óscar Blanco, sinalou que «desde as primeiras xornadas para afeccionados, agora gaña peso a presenza de profesionais». Nesa dirección tamén fixo referencia Juan Anta, alcalde da Veiga. O rexedor destacou o papel do Centro Astronómico «que nos fixo referentes dun turismo sostible, diferente e desestacionalizado».