A Casa da Mocidade de Barbadás converterase nun punto de encontro para as persoas afeccionadas aos videoxogos durante a Semana Santa.
Os días 15 e 16 de abril celebrarase alí a cuarta edición do Barbadás Gaming, un evento gratuíto centrado nos deportes electrónicos e aberto a todo o público.
Videoxogos e emocións na cuarta edición do Barbadás Gaming
Durante dúas xornadas, de 11:00 a 14:00 horas e de 16:00 a 20:00 horas, quen se achegue poderá competir, xogar ou simplemente desfrutar como espectador.
A proposta contará con consolas PlayStation 5, gafas de Realidade Virtual e avanzados equipos de simulación de condución para garantir unha experiencia inmersiva.
Barbadás Gaming consolidouse como unha cita ineludible para a mocidade e para as persoas seguidoras do eSports, ofrecendo un espazo de lecer, emoción e tecnoloxía.