O Club Bádminton Athlos viviu unha intensa fin de semana de competición con dobre cita: a Copa Iberdrola de Clubes en Toledo e o torneo Galicia Top TTR nas categorías sub13 e sub17 en As Neves (Pontevedra).
O CB Athlos brilla na Copa Iberdrola e no Galicia Top TTR.
Fin de semana de éxitos para o CB Athlos en Toledo e Pontevedra
En Toledo, o Athlos superou con éxito a fase de grupos da Copa Iberdrola 2025, tras vencer ao Club Bádminton CIDE (3-2) e caer pola mínima ante o IES La Orden (2-3). Nos cuartos de final, o equipo ourensán non puido coa fortaleza do CB Oviedo, que se impuxo por 3-0. Xa no encontro polo 7º e 8º posto, o Athlos derrotou ao Club Bádminton San Fernando Valencia por 3-2, asegurando a sétima posición final do torneo.
Paralelamente, en As Neves disputouse o Galicia Top TTR N7 sub13 e sub17. O club Athlos participou cunha ampla representación acompañada polos técnicos María Ezquerro, Olalla Fernández e Xoel Álvarez. A cita deixou un importante botín de medallas para o Athlos:
Ouro
- Diego Babarro e Miguel Carpintero no dobres masculino sub17.
Prata
- Adrián Seijo no individual masculino sub17;
- Ethan Busto e Hugo Blanco no dobres masculino sub13;
- Adrián Seijo e David Casas no dobres masculino sub17.
Bronce
- Hugo Blanco no individual sub13,
- Daniel Fernández e Gabriel Sánchez no dobres masculino sub13,
- Martina Rodríguez e Ethan Busto no mixto sub13;
- David Casas no individual sub17;
- Estela Fernández e Marta Soto no dobres feminino sub17;
- Marta Soto e Antón González no mixto sub17.
O balance xeral deixa ao CB Athlos nunha posición destacada tanto a nivel estatal como autonómico, demostrando o bo traballo da súa canteira e a progresión constante dos seus equipos.