O Club Athlos colleitou importantes éxitos deportivos na fin de semana do 29 e 30 de marzo de 2025 en tres citas clave do bádminton autonómico e nacional.
No Campionato Galego Absoluto 2025, celebrado o sábado 29 en A Estrada (Pontevedra), o club ourensán destacou con múltiples podios.
Club Athlos: ouro absoluto e éxito en parabádminton
Antonio Iglesias proclamouse campión galego absoluto en individual masculino, mentres que Ana Nóvoa logrou o título en individual feminino. Tamén subiu ao máis alto do podio Javier Álava, que se fixo co ouro en dobres masculino formando parella con Rodrigo Sanjurjo (CB As Pontes).
O medalleiro do Athlos completouse con Sara Ezquerro, subcampioa en individual feminino, e tamén xunto a Ana Nóvoa, co prata en dobres feminino. Ademais, Sara Galicia e Antonio Iglesias acadaron o bronce en dobres mixtos. O club contou coa participación de Mariña González, Paula Casas, Sara Galicia, Martina Llamas, Laura Fernández, Sara Ezquerro, Ana Nóvoa, Gael Rodríguez, Xoel Álvarez, Manuel G. Rosendo, Samuel Varela, Antonio Iglesias e Javier Álava.
Liga Promesas Galicia 2025
O domingo 30, en Teixeiro (A Coruña), o equipo sub13 do Club Athlos conseguiu a medalla de bronce na Liga Promesas Galicia 2025, logo dunha intensa segunda manga. Os resultados foron:
- CB Athlos 1-4 Escola Rosalía
- CB Athlos 1-4 CD Hydra
- CB Athlos 3-2 CB As Neves
Circuito Nacional de Parabádminton
Por último, no Circuito Nacional de Parabádminton, disputado en Humilladero (Málaga), Daniel García asinou unha excelente actuación ao chegar ás semifinais nas categorías IM SL4, SU5 e SH6. En dobres masculino SL4, fixo parella con Carlos Vázquez, acadando a segunda posición no seu grupo. O mesmo resultado obtivo en dobre inclusivo xunto a Manuel Carrasco.
O Club Athlos continúa demostrando o seu potencial competitivo tanto en Galicia como no panorama nacional.