O Certame Galego de Bandas de Música terá lugar os días 3 e 4 de decembro no Auditorio Municipal Ilduara de Celanova.
A edición de 2022 do Certame Galego de Bandas chega á provincia de Ourense rompendo a tradición de celebralo no Auditorio de Galicia en Santiago de Compostela (14 edicións anteriores).
Certame Galego de Bandas de Música
As circunstancias provocan que a XV edición deste certame sexa unha versión reducida do que soe ser habitual neste evento. Apenas unhas poucas bandas de música das moitas que existen en Galicia estarán presentes en Celanova.
A música de Ourense terá un peso importante neste certame coa presenza de varias agrupacións. De feito, Ourense non só acolle a edición de 2022 se non que a participación dos grupos ourensáns e o apoio do concello de Celanova e a Deputación Provincial de Ourense son decisivas para o funcionamento do certame.
Programa do XV Certame Galego de Bandas de Música
Como na actual edición do Certame Galego de Bandas non participan bandas das categorías segunda ou primeira, o programa queda da seguinte forma:
Sábado, 3 de decembro
Terceira categoría
- 17h – Banda de Música Municipal de Caldas de Reis
- 18h – Banda de Música Santádega
- 19h – Banda de Música de Lourenzá
- 20h – Agrupación Musical da Limia
Domingo, 4 de decembro
Categoría Infantil
- 12h – Chikiband (Xinzo de Limia)
- 12:30h – Banda de Música infantil de Rubiós
Categoría Xuvenil
- 17h – Banda Xuvenil da Escola de Música de Silleda
- 18h – Banda Xuvenil de Celanova
Membros do Xurado
O Xurado da actual edición do certame de Bandas de Música estará composto por:
- David Rivas
- Francisco Ferreira
- Kevin Houben
