O comercio do concello de Barbadás celebrará unha Noite Moucha este venres, 31 de maio, con diferentes actividades e o peche máis tardío dos establecementos.
Para o sector comercial de Barbadás, este venres ábrese unha oportunidade de atraer nova clientela grazas á colaboración do concello.
O comercio de Barbadás celebrará unha Noite Moucha
A Noite Moucha terá numerosas propostas lúdicas para atraer clientela ós establecementos comerciais que pecharán ás 23h. Será desde as 18h cando as persoas que asistan a esta Noite Moucha poidan mercar nos comercios ó mesmo tempo que se realizan varias actividades.
Ademais das promocións que realizarán varios dos establecementos, a Noite Moucha contará con baile na rúa, inchables, xincana, globoflexia, pintacaras, realidade virtual ou meditación. O escenario da maioría destas propostas será a avenida de Celanova onde tamén se realizará un gran sorteo de agasallos ás 22h.
Participarán neste sorteo aquelas persoas que dispoñan dunha cartilla selada polos establecementos participantes.
![O comercio de Barbadás celebrará unha Noite Moucha](https://ourensenarede.com/wp-content/uploads/2024/05/Noite-Moucha-Barbadas-24-800x800.jpg)
Listado de establecementos participantes na Noite Moucha de Barbadás
- Fisioremove
- Twins
- Twins Men
- Elma
- La Cigüeña
- Calzados Zocos
- Herbolario Gaia contigo
- Bel Moda e complementos
- Ohana Baby
- Ohana Deco
- Librería A Valenzá
- Donicela
- Librería Carlin
- Más que un sueño
- MVT Galicia
- Artelandia Ocio Creativo