O recinto de Expourense acollerá os días 13 e 14 de setembro a segunda edición da Feira da Saúde e o Benestar en Familia.
Este evento reunirá a máis de 40 profesionais de distintas disciplinas para promover hábitos saudables e o coidado integral das persoas, con actividades para todas as idades.
Ourense acolle EXPOFAMILIA 2025, unha feira para coidar da saúde en familia
EXPOFAMILIA 2025 volverá converter Expourense nun espazo de encontro para familias, profesionais e entidades co obxectivo de fomentar o benestar físico, emocional e social mediante un enfoque educativo, lúdico e participativo.
A cita, organizada por Fusión Fitness e coa colaboración da Xunta de Galicia, a Deputación de Ourense e outras entidades, ofrecerá unha ampla programación de talleres, cursos, charlas, actividades e espazos de ocio e restauración.
Máis de 40 referentes do ámbito sanitario, educativo e social
O cartel desta edición conta cunha ampla representación de especialistas: psicólogos, médicos, nutricionistas, terapeutas, traballadores sociais, docentes e asesores que ofrecerán formación e orientación en diferentes temáticas relacionadas co benestar persoal e familiar.
Entre os nomes destacados figuran o pediatra Carlos González, o enfermeiro Armando Bastida, a xornalista e actriz María Mera, e a educadora social Sara Desirée Ruiz, entre outros moitos.
A programación inclúe propostas dirixidas a embarazadas, bebés, nenos, adolescentes, persoas adultas e maiores. Trataranse temas como a educación emocional, a saúde mental, a crianza respectuosa, a nutrición, o coidado perinatal, a fisioterapia, o apoio social ou o desenvolvemento persoal.
Participantes en Expofamilia 2025
🧠 Psicología / Educación emocional
- Diana González – Psicóloga
- Mercedes de Santaló – Maestra
- América Gamote – Psicóloga
- Mª Carmen Vicente – Coaching
- Andrea Rodríguez – Consultora
- Iria Garrido – Psicóloga
- Concepción y Aroa – Psicólogas (EAMI)
- Samanta Gil – Maestra
- Sara Desirée Ruiz – Educadora social
- Cristina de Arco – Fisioterapeuta
- Cristian Martín – Doctor
- Marisol Mejuto – Matrona
- Clara González – Coach
🩺 Medicina e saúde
- Alba G. Moreira – Doctora
- Julio Rodríguez – Biólogo
- Xosé Manuel Dguez. – Doctor
- Carlos González – Pediatra
- Armando Bastida – Enfermero
- Mercedes Teijedor – Matrona IBCLC
- Natalia López – Fisioterapeuta
🍏 Nutrición e benestar físico
- Adriana Fdez. – Nutricionista
- Elio Villalobos – Consultor
- Patricia Feijoo – Asesora
- Sergio Puga – En Familia
- Natalia Gómez – ACUOGO
🧩 Terapias e servizos sociais
- Carmen Penín – Terapeuta
- Carmen Dorado – Trabajadora social
- Ana y Eva – Maestras
- Alba Polo – Experta en ABJ
- Antía Pousa – Trabajadora social
- Iván y Jennifer – Trabajadores sociales
🎤 Xornalismo e divulgación
- Raquel Atanes – Periodista
- María Mera – Periodista y actriz
Unha feira para aprender, compartir e gozar en familia
EXPOFAMILIA 2025 contará cunha zona expositiva na que empresas e entidades amosarán os seus produtos e servizos relacionados coa saúde, o deporte e o benestar. Así mesmo, haberá espazos especialmente deseñados para a conciliación, onde as crianzas poderán estar ao coidado de persoal especializado mentres os adultos participan nas actividades.
A feira tamén ofrecerá:
- 🎈 Zona de inchables con monitores para os máis pequenos.
- 🎨 Talleres creativos de globoflexia, maquillaxe infantil e xogos.
- ⚽️ Zona deportiva multiactividade.
- 🥗 Área de restauración saudable, con propostas equilibradas e menús para todos os públicos.
Tamén participarán asociacións e colectivos sociais, que darán a coñecer recursos e servizos dispoñibles na provincia.
Entradas e acceso
As entradas xa están dispoñibles a través da plataforma vivetix.com, cun prezo de partida de 12,90 €.
Un comentario