Zarracós prepárase para vivir unha nova edición da súa tradicional Festa das Neves, que se celebrará entre o mércores 31 de xullo e o martes 5 de agosto de 2025.
A programación está organizada pola Comisión de Festas Zarracós 2025 e a Asociación de Veciños San Andrés de Zarracós.
Zarracós enche de música e tradición a súa Festa das Neves 2025
O programa combina actividades relixiosas, xogos populares, música en directo, deporte e moita festa pensada para todas as xeracións.
A festa arrinca o xoves 31 de xullo cun torneo de tute no local sociocultural e xogos de pistas para os máis pequenos, marcando o comezo lúdico das celebracións.
O venres 1 de agosto comezarán as actividades no campo da festa a partir das 18:00 h con xogos infantís e para maiores. Ás 22:00 h celebrarase unha gran txistorrada acompañada da actuación do Grupo de Acordeóns de Bieito Blanco. A noite continuará con música variada e karaoke.
O sábado 2 de agosto comezará coa tradicional alborada da charanga Nova de Trives ás 9:00 h, seguida dunha misa solemne e procesión ás 13:00 h. Pola tarde haberá partidos amigables de fútbol sala en categorías infantil e adulta. A partir das 23:00 h comezará a verbena a cargo do Trío Élite, con descanso musical a cargo do Grupo Faranse.
O domingo 3 de agosto tamén contará cunha alborada, nesta ocasión a cargo da charanga Brexit. Ás 13:00 h repetirase a misa solemne e procesión. Pola tarde haberá un torneo de chave e verbena co Grupo Yukatán, rematando cun sorteo de 300 euros en metálico.
A última xornada será o martes 5 de agosto, co peche relixioso da festa. Unha misa solemne ás 12:30 h no campo e unha sesión vermú a partir das 13:30 h.
Un ano máis, a Festa das Neves de Zarracós promete ser unha cita ineludible no verán ourensán, mantendo vivas as tradicións e renovando o seu espírito festivo con actividades para toda a veciñanza e visitantes.