O talento musical xuvenil será o gran protagonista este domingo, 22 de xuño, ás 19:00 horas, no Festival de Fin de Curso de Ourquesta, que se celebrará no Auditorio dos Gozos.
O evento converterase nun escaparate para as novas promesas da música, que subirán ao escenario para compartir con familiares, amizades e público xeral todo o aprendido ao longo do curso.
Ourquesta celebra o seu Festival de Fin de Curso no Auditorio dos Gozos
A actuación incluirá un variado repertorio que reflicte o traballo, esforzo e paixón das mozas e mozos que integran esta iniciativa formativa.
A organización convida a toda a cidadanía a asistir a esta cita especial, que combina cultura, educación e emocións. Será unha tarde perfecta para gozar en familia e apoiar o talento local.
