O Kit Dixital en Ourense suma xa 5.800 beneficiarios na provincia, segundo destacou o subdelegado do Goberno, Eladio Santos, tras visitar o salón Chusanas Estilistas xunto á súa xerente, Ana Novoa.
O programa, financiado con 23 millóns de euros do Plan de Recuperación, Transformación e Resiliencia, permitiu apoiar a preto de 19.000 traballadores e traballadoras nas cinco convocatorias activadas ata o momento.
5.800 empresas de Ourense acceden ao Kit Dixital
“O Goberno de España chega ao pequeno comercio de cada cidade e vila, levando a dixitalización a todo o territorio”, afirmou Santos.
Do total de axudas, o 61% corresponden a autónomos e o 39% a pemes, sendo comercio e hostalería os sectores máis beneficiados, cun 35%. As empresas poden implantar solucións como páxinas web, comercio electrónico, ciberseguridade ou xestión empresarial.
No caso de Chusanas Estilistas, a actuación centrouse na mellora da presenza en internet e redes sociais, cun proxecto executado pola empresa ourensá Neretec Consulting, axente dixitalizador acreditado.
