O PSdeG-PSOE de Ourense celebrará este sábado 22 de marzo en Lobios a IV edición de ConMemora, a xuntanza provincial do socialismo ourensán, baixo o lema «Alén da Posverdade».
Este evento anual, que conmemora o matrimonio de Pedro de la Iglesia e Juana Pose de la Iglesia, pais de Pablo Iglesias Posse, fundador do PSOE e da UXT. O acto busca fortalecer os lazos socialistas na provincia e promover un debate sobre a superación da posverdade.
O PSdeG-PSOE de Ourense celebra en Lobios a IV edición de ConMemora
A xuntanza, que terá lugar na localidade fronteiriza de Lobios, contará cun programa de intervencións de destacados líderes socialistas e académicos. Entre os participantes estarán:
- María Nieves Lagares da Universidade de Santiago de Compostela,
- Vasco Ribeiro da Universidade de Porto,
- Manuel Escudero Zamora do Laboratorio de Ideas de Progreso AVANZA do PSOE,
- Carmela Silva,
- Lara Méndez e
- Rafael Rodríguez Villarino.
Un dos momentos destacados do evento será a entrega dos premios ConMemora a Maribel Santos Pérez e Antonio Ferreira López, en recoñecemento ao seu compromiso co socialismo e cos concellos da Baixa Limia. Ademais, renderase homenaxe a Rafael Pérez Martínez «Tito», alcalde socialista de Muíños, falecido recentemente.
A xornada concluirá cun xantar de confraternización no restaurante Lusitano. O xantar será logo da interpretación do Grândola Vila Morena e do himno de Galicia a cargo da agrupación musical Os Afinantes.