A Comisión Executiva Provincial do PSdeG-PSOE de Ourense aprobou o calendario orgánico para as vindeiras semanas, co obxectivo de celebrar as eleccións primarias á secretaría provincial e o V Congreso Provincial Ordinario.
Segundo destacaron os socialistas, este proceso reforza a participación democrática da militancia para construír o proxecto socialista ourensán.
O PSdeG-PSOE de Ourense define o calendario para as eleccións primarias
O proceso iniciarase o sábado 22 de marzo co Comité Provincial en Lobios, onde se debaterá e ratificará a proposta de calendario. As datas clave inclún:
- Presentación de precandidaturas: do 27 de marzo ao 3 de abril.
- Recollida e presentación de avais: do 4 ao 11 de abril.
- Campaña de información: do 17 ao 26 de abril.
- Proposta de candidaturas dos delegados ao V Congreso: 25 de abril.
A votación á secretaría xeral está prevista para o domingo 27 de abril. De ser necesaria unha segunda volta, realizarase o 4 de maio. Tras a fase de votación, traballarase no relatorio marco que definirá a estratexia do partido para os vindeiros anos. O proceso culminará co V Congreso Provincial Ordinario o domingo 18 de maio.