O xornalista palestino Shehab Aldin ofrecerá unha palestra titulada «Sobrevivindo á guerra en Gaza» o martes 25 de marzo de 2025 no Liceo de Ourense.
O evento, organizado por BDS Ourense (Boicotes, Desinvestimentos e Sancións a Israel), iniciarase ás 19:30 horas.
Shehab Aldin compartirá en Ourense a súa experiencia sobre a guerra en Gaza
Aldin, orixinario da Faixa de Gaza, viviu en primeira persoa os efectos do conflito e perdeu a varios familiares nos ataques sionistas.
Actualmente, reside na Coruña e traballa na visibilización da realidade palestina a través do xornalismo e como relator. Ademais, participa na iniciativa internacional WeAreThePeace, que busca dar voz ás vítimas da violencia bélica.
A palestra insírese na Semana Contra o Apartheid Israelita, que ten lugar do 21 ao 30 de marzo, coincidindo co Día Internacional para a Eliminación da Discriminación Racial e o Día da Terra Palestina. Durante o evento, recadarase diñeiro para apoiar a familia de Aldin.