A localidade de Sobrado do Bispo rende homenaxe ós seus músicos cunha Ruada Musical coincidindo coa celebración de Santa Cecilia.
A Asociación Cultural Porta da Cadea é a organizadora deste evento cultural no que participarán numerosos músicos e veciños da localidade.
Sobrado do Bispo rende homenaxe ós seus músicos
Con esta actividade, a Asociación Cultural Porta da Cadea prosegue a súa labor de promover a cultura e a música locais.
Esta actividade, prevista para o domingo, 1 de decembro, comezará ás 11h co seguinte programa:
- Percorrido coa interpretación musical do Grupo de gaitas e percusión de Sobrado. Durante o mesmo, realizaranse tres paradas en lugares singulares para render homenaxe á música e ós músicos.
- Concerto na Praza do San Xoán ás 12h. Este concerto contará coa participación do Grupo de gaitas e percusión de Sobrado, a Coral Voces e Cordas, Pandereteiras Vagalumes e a Banda de Música de Sobrado.
