O Xantar Medieval da Festa da Istoria congregará o sábado, 27 de agosto, a case un centenar de persoas que recrearán un evento gastronómico «doutra época».
A Igrexa da Madalena será o lugar que acolla este importante evento que forma parte da programación da Festa da Istoria 2022. Situada en pleno centro histórico de Ribadavia, esta igrexa é un habitual lugar de realización de actividades.
Xantar Medieval da Festa da Istoria
O límite de participantes no xantar medieval está situado en 96 persoas. Para realizar a inscrición, os interesados deberán contactar mediante o correo yoly@festadaistoria.com.
O prezo do menú está fixado en 45 marabedís (45€) que permitirán gozar dun excelente menú nun escenario que contará coa ambientación e decoración propia da época.
Menú do Xantar Medieval en Ribadavia
O menú que os asistentes poderán degustar a partir das 14.30h será:
- Empanada de Carne ó estilo Xelmírez
- Empanada de Zamburiñas.
- Empanada de Xoubas ó estilo Xelmírez
- Táboa de Selección de Queixos (do país)
- Polbo do Mosteiro de Oseira á Feira
- Cabrito ó xeito da Istoria
- Viños Tinto e Branco Ribeiro da Istoria
- Auga da Fonte da Prata
- Froitas da Estío
- Torta de Castaña do forno do Conde
- Torta de Améndoa do forno do Conde
- Melindres e Amendoados do forno das Nisas
- Aguardente de Herbas
- Licor Café
- Café de Pota
A organización fixa como obrigatoria a asistencia con vestimenta de época.