A asociación cultural Better Things celebra o seu primeiro aniversario cun concerto en Ourense que terá lugar este domingo 4 de xaneiro, ás 21:00 horas, no Café Cultural Auriense.
Este é un dos espazos de referencia da música en directo na cidade.
The Bo Derek’s actúan en Ourense polo aniversario de Better Things
A celebración contará coa actuación de The Bo Derek’s, banda das Rías Baixas, cun directo enérxico e vinculado á escena rock galega.
O prezo das entradas será de 12 euros en venda anticipada e 15 euros na billeteira. As persoas interesadas poden adquirir os billetes no Café Cultural Auriense, no Rock Club e en O Jato Nejro.
