As festas da Valenzá 2026 xa comezan a coller forma coa publicación dun primeiro avance da programación.
Esta proposta combina música, ambiente festivo e actividades pensadas para diferentes públicos durante a primeira fin de semana de Xuño.
A Valenzá presenta un avance das festas 2026
A organización presenta este programa provisional e queda pendente a presentación do cartel definitivo, no que poderían incorporarse novas actividades e actuacións complementarias.
Segundo este adianto, as celebracións arrancarán o venres 5 de xuño coa actuacións da Orquestra “Claxxon» e a discomóbil «Gramola”. Esta proposta musical está pensada para abrir varios días de festa cun ambiente marcado pola música e a animación nocturna.
O sábado 6 de xuño será a quenda da Festa da Xuventude, unha das citas dirixidas ao público máis novo, cunha programación que incluirá Gramola e DJs, apostando pola música actual e o formato de sesión en directo.
As festas pecharían este primeiro avance o domingo 7 de xuño coa actuación da orquestra Hugoband. Esta formación será a encargada de poñer o broche musical a unha fin de semana que, como cada ano, aspira a reunir a veciñanza e visitantes nun dos eventos máis agardados do calendario festivo da comarca.
Desde a organización sinalan que esta programación constitúe só un avance inicial, polo que nas próximas semanas poderían anunciarse novas propostas culturais, actividades familiares, eventos tradicionais e máis actuacións musicais. Todas elas completarán o cartel oficial das festas da Valenzá 2026.