Tres actividades neste mes de xaneiro é a proposta do Museo Galego do Entroido para ir preparando a celebración desta festa tan relevante na provincia de Ourense.
O Museo Galego do Entroido programou para este mes tres propostas que se levarán a cabo na súa sede de Xinzo de Limia.
Actividades do Museo Galego do Entroido
As propostas chegan en datas próximas ó inicio do Entroido que ten precisamente en Xinzo de Limia, unha das súas paradas máis relevantes.
Terra de Entroido
A primeira actividade que organiza o Museo Galego do Entroido ten como protagonista a Xesús Fariñas. Unha conversa con este persoeiro permitirá ós asistentes descubrir o pasado, presente e futuro das Pantallas de Xinzo de Limia.
Sábado, 14 de xaneiro ás 19h.
Máscaras de Entroido
Máscaras de Entroido é a segunda proposta que o Museo Galego do Entroido presenta para este mes de xaneiro. X. M. Seixas explicará como aprendeu el a facer as máscaras e as historias que garda cada unha delas. Esta conversa irá acompañada dunha exposición de máscaras dos entroidos máis representativos de Galicia.
Sábado, 21 de xaneiro ás 19:30h.
A orixe do Entroido
A orixe do Entroido é a terceira e última actividade que organiza o Museo Galego do Entroido. Esta proposta terá como protagonistas ós máis cativos. Un contacontos dirixido á nenos e nenas de 3 a 12 anos permitiralles coñecer a orixe do Entroido.
Venres, 27 de xaneiro ás 18:30h.
