Coñecemos a Axenda do mes de Febreiro no Mur Marxinal de Ourense onde atopamos propostas musicais, artísticas e incluso un evento de citas rápidas.
Mur Marxinal, situado na rúa Manuel Murguía, é un dos espazos que se converteron nun refuxio cultural dentro da cidade de Ourense.
Axenda de Febreiro no Mur Marxinal
O espazo Mur Marxinal comeza a súa programación do mes de febreiro este sábado, día 3, cunha dobre proposta. O grupo DebuxOu realizará unha quedada ás 11:30h que terá continuidade cunha sesión DJ de Rafa Silva a partir das 12h.
Para o venres, 9 de febreiro, unha proposta de aula aberta permitirá ós asistentes coñecer os movementos do Swing. Esta actividade será de balde.
Non podía faltar o Entroido no Mur Marxinal e por ese motivo convoca un concurso de disfraces para o sábado, 10 de febreiro entre as 12 e as 14h. A partir das 12h tamén poderán gozar os asistentes dunha sesión DJ con Sula.
O xoves, 15 de febreiro, inaugúrase a exposición «Human Body» de MCarballo Art ás 19:30h. Este artista ofrecerá tamén un concerto o sábado, día 17 ás 12:30h.
Unha das propostas mais orixinais que atopamos nesta programación é un evento de citas rápidas. O xoves, 22 de febreiro, as persoas que se inscriban terán a oportunidade de coñecer a súa media laranxa entre as 18.30 e as 21h.
Remata a programación do mes de febreiro no Mur Marxinal cun obradoiro titulado «Tapiza o teu taburete» entre as 11:30 e as 13:30h.
