O concello de Barbadás organiza o II Paseo da Saúde que terá lugar o vindeiro venres, 3 de xuño, na Avenida de Celanova (A Valenzá).
A prevención é unha das mellores ferramentas coas que contamos para coidar a nosa saúde. Saber recoñecer síntomas e actuar de inmediato pode ter un efecto decisivo na carreira por coidar o noso estado de saúde.
Barbadás organiza o II Paseo da Saúde
No II Paseo da Saúde que organiza o concello daranse cita diversas asociacións que ofrecerán información á cidadanía. Barbadás vivirá unha xornada con obradoiros e charlas que permitirán coñecer mellor o traballo que levan a cabo estas entidades.
O horario do evento é de 11 a 13:30h e de 17:30 a 20:30h e estará instalado nas inmediacións da rotonda da familia na Valenzá.
