José Ramón Gómez Besteiro promete rematar o centro de atención para adultos con discapacidade que contaría con unha xestión pública directa.
Esta afirmación do candidato socialista á presidencia da Xunta de Galicia realizouna tras reunirse con membros da plataforma ProCAPD.
Besteiro promete rematar o centro de atención para adultos con discapacidade
Esta plataforma leva sete anos loitando para que o proxecto do centro de atención para adultos con discapacidade sexa unha realidade. Na actualidade, Ourense é a única provincia de Galicia que non conta cun centro destas características.
Desde o PSdeG-PSOE indican que «é unha cuestión de dereitos das familias e dos nenos e adultos, xa que en todas as provincias existe un centro destas características, público, con prazas públicas e de xestión pública e directa da Xunta de Galicia, no que os traballadores forman parte da administración galega».