O BNG analiza a situación da sanidade en Ourense nunha comparecencia dos seus deputados Noa Presas, Sonia Vidal e Iago Tabarés.
«É necesario que a Xunta inicie un cambio de rumbo para blindar en Ourense o dereito á sanidade pública» indica Noa Presas ante o que considera unha situación de «deterioro e crise».
O BNG analiza a situación da sanidade en Ourense
Na análise que realizaron sobre a situación da Área Sanitaria de Ourense, O Barco e Verín, destacaron o aumento dos problemas en Urxencias, UCI e cobertura de pediatría.
Tamén falaron do informe emitido recentemente polo Consello de Contas. «Ante a gravidade do Informe avanzamos a presentación de iniciativas no Parlamento Galego e a intensificación das campañas de rúa cun obxectivo claro, Ourense merece unha sanidade pública ben dotada, freando a privatización co reforzo de persoal e medios propios».
Para por cifras a esta situación, desde o BNG lembran que «en Ourense, no 2022 mentres a actividade propia medrou un 11%, a derivación a centros privados un 41% é dicir, aumenta máis a derivación a privados que o esforzo propio e sinálase que cada vez se fan máis intervencións de cirurxía menor en centros privados».