Varias actuacións de música e teatro completan a programación das Xornadas Micolóxicas que organiza o Club Montaña Trives.
Estas xornadas celébranse esta fin de semana cun programa que inclúe o Concurso da Tapa Micolóxica eo xantar micolóxico Gourmet.
Música e Teatro nas Xornadas Micolóxicas
Actuará durante estas Xornadas Micolóxicas a Banda de Gaitas Os Trintas. A actuación será no Patio Interior da Casa Grande a partir das 18h. O concerto estará composto de música tradicional e un grupo infantil de baile.
O patio interior da Casa Grande tamén acolle un espectáculo teatral na inauguración da exposición dos cogomelos. Teatro A Canceira ofrecerá esta actuación o 9 de novembro ás 18:30h.
O terceiro dos eventos artísticos que están incluídos na programación das Xornadas Micolóxicas de Trives son as actuacións das Macizas Centrais e Os Trabazos. Estes grupos actuarán en varios establecementos da vila durante a xornada do 9 de novembro.
