O PSdeG visitou a asociación ourensá, que leva 30 anos ofrecendo atención e apoio a persoas con enfermidades neurodexenerativas e ás súas familias.
Representantes do PSOE de Ourense visitaron AODEMPER, a Asociación Ourensá de Esclerose Múltiple, Párkinson e Enfermidades Raras, para coñecer o seu traballo e escoitar as necesidades das persoas afectadas.
O PSOE reclama máis recursos para AODEMPER
As socialistas destacaron os 30 anos de traxectoria da entidade, que ofrece atención sociosanitaria, rehabilitación e apoio psicolóxico. Ademais, reclamaron máis recursos, estabilidade e colaboración entre administracións para garantir a continuidade destes servizos.
O PSdeG tamén puxo en valor os avances da Lei ELA e defendeu que outras enfermidades neurodexenerativas necesitan atención específica, apoio ás persoas coidadoras e recursos adaptados.
