Noticias

130.000 euros para mellorar a compostaxe en Barbadás

130.000 euros é a cantidade que destinará o concello para mellorar a compostaxe individual de materia orgánica en Barbadás.

O plan que levará a cabo o concello de Barbadás pretende que a finais do ano 2023 se cumpran os índices de reciclaxe de residuos marcados pola Unión Europea.

130.000 euros para mellorar a compostaxe en Barbadás

Victoria Morenza, tenente de alcalde, indica a importancia de «realizar a separación do resto de fraccións. Hai que ter en conta que a fracción orgánica é a que máis peso ten, xunto co vidro, no conxunto das diferentes fraccións».

Este programa ten un plan de acción para A Valenzá e outro para o medio rural. Na localidade da Valenzá, o concello repartirá 700 caldeiros de 10 litros de capacidade para facilitar a compostaxe doméstica. Tamén repartirá o concello «máis de 2.000 atados de bolsas compostables de uso doméstico de 10 litros de 42 x 45 centímetros, nos que cada rollo contén 30 bolsas, que estarán elaboradas con materiais naturais» destaca Victoria Morenza.

130.000 euros para mellorar a compostaxe en Barbadás

Parte do orzamento deste programa será destinado ó transporte dos residuos orgánicos ata a planta de tratamento de residuos de Leiro. Este transporte suporá unha inversión de 70.000 euros.

No medio rural instalaranse contedores marróns xunto cun kit de compostaxe (aireador, malla antirroedores e un manual). «A introdución da fracción orgánica, socialmente é un feito equiparable ao que no seu momento supuxo a introdución do contedor amarelo«. Victoria Morenza recorda que «con este proxecto, o noso Concello será pioneiro na recollida selectiva de materia orgánica na provincia de Ourense, o que esperamos fáganos cumprir a normativa europea, estatal e galega sobre residuos».

Publicaciones relacionadas

Botón volver arriba