Con 180 coches vendidos no 15º Salón do Vehículo de Ocasión, este evento pechou as súas portas con grandes números.
Na edición de 2024 os eventos dedicados á venta de vehículos conseguiron alcanzar as 294 ventas realizadas.
180 coches vendidos no Salón do Vehículo de Ocasión
Durante os seis días que duraron os Salóns do Vehículo Novo e o Vehículo de Ocasión, foron máis de 9.000 persoas as que acudiron ás instalacións de Expourense. Estas cifras superan as da edición de 2023 que rexistraron 8.000 visitas e 265 coches vendidos.
ACAUTO e Expourense organizaron un ano máis estes eventos nos que participaron 16 concesionarios con vehículos de 25 marcas.
Para animar a asistencia a este evento, os organizadores realizarán un sorteo de 6.000 euros entre os que adquiriron un vehículo. Esta cantidade será descontada do prezo de venta e supón o maior desconto realizado nun evento deste tipo. O sorteo terá lugar este martes, 26 de novembro, ás 12h na sede da Confederación Empresarial de Ourense.