A libraría Tanco de Ourense acolle este xoves un encontro sobre o futuro da nosa lingua coa presentación do libro «A lingua en futuro: a mocidade imaxina o 2050».
Kai Lois Baltrusch e Alba Guzmán Falcón, dúas das autorías da obra, participan neste evento que comezará ás 20h, nas instalacións da libraría na rúa Cardenal Quevedo.
A libraría Tanco acolle un encontro sobre o futuro da nosa lingua
A visión da mocidade sobre como será a nosa lingua no ano 2050 e como desexan que sexa serán os eixes principais deste faladoiro. Os autores, todos menores de 30 anos na data de publicación da obra, pertencen a sectores variados como a música, docencia, xornalismo ou ciencia.
![A libraría Tanco acolle un encontro sobre o futuro da nosa lingua](https://ourensenarede.com/wp-content/uploads/2023/10/libraria-tanco-a-lingua-en-2050-800x420.jpg)
A obra «A lingua en 2050» conta coa participación dos seguintes autores: Alba Guzmán Falcón, Alba María Rodríguez Díaz, Alberto Mira («Berto»), Branca Trigo Cabaleiro, Carla Míguez Bóveda, Daniel Amarelo, Ismael Ramos, Julieta Insagaray, Kai Lois Baltrusch Montero, Manuel Arca Castro, Nee Barros, Sara Seco Rial, Sara Villar Aira, Tamara Andrés, Tensi Gesteira Estévez, Xabier Benavides da Vila e Xanhe Redondo García («o Rabelo»).