Unha auténtica exhibición de ximnastas tivo lugar esta fin de semana durante a celebración do XVIII Torneo de Nadal que organiza o Club Ximnasia Escola Pavillón.
O Pavillón dos Remedios acolleu esta xornada deportiva na que participaron decenas de ximnastas de toda Galicia.
Exhibición de ximnastas no Torneo de Nadal
O deporte e a solidariedade foron os protagonistas deste evento que lembra a memoria de Marosa Salgado Madriñán.
Entre os participantes estiveron algúns dos conxuntos que participarán no próximo Campionato Nacional que se celebrará en Pamplona. A música dalgunhas das series máis coñecidas dos últimos anos acompañou a execución dos exercicios.
Coa entrega de obsequios ó preto de cincocentos ximnastas participantes, rematou unha xornada na que estiveron presentes os seguintes clubs:
- Club Esquio- Ferrol
- E.D. Xinzo de Limia
- Club Viravolta- Santiago de Compostela
- E.D. Celanova
- C.D. Ximnasia Rítmica Verín
- E.D. Barbadás
- E.D. Maceda
- Miraflores Ourense
- Escola Pavillón Ribadavia
- Escola Pavillón Pereiro de Aguiar
- Club Ximnasia Pavillón Ourense
- Club Ximnasia Escola Pavillón
Pola mañá participaron os ximnastas de rítmica e na sesión da tarde estiveron os ximnastas de trampolín. Algúns dos momentos máis emotivos da xornada foron as participacións dos ximnastas máis pequenos.
Na modalidade de trampolín participaron os seguintes clubs:
- Club Gravity-Lugo
- E.D. Barbadás
- Club Ximnasia Pavillón Ourense
- Escola Pavillón
Paralela a celebración deportiva tivolugar unha acción solidaria. A Operación Kilo permitiu recoller preto de 300Kg de alimentos. Tamén se venderon preto de medio millar dos calendarios solidarios que promove o Club Pavillón.