O Entroido da localidade de Mugares neste ano 2025 xa ten cartel grazas á colaboración de varias entidades.
No proceso para escoller o cartel conmemorativo do Entroido 2025 en Mugares participou activamente o alumnado do Ceip Saco e Arce de Toén.
O Entroido de Mugares 2025 xa ten cartel
Este alumnado participou nun concurso do que saíu o traballo gañador e que recibirá un premio que conta coa colaboración da Librería Moraima da Valenzá.
Para escoller a obra gañadora reuniuse un xurado formado por seis membros da directiva da Asociación Cultural Entroido de Mugares, dous membros da Asociación de Veciños de Mugares e un membro do Concello de Toén.
