O Jiu Jitsu Club Marbel completou un brillante paso polo Open Infantil de Jiu Jitsu ‘Bravo Playa’ celebrado o pasado 15 de novembro nas instalacións deportivas de Chencho, en Castelló de la Plana.
Alí, os seus catro representantes sumaron sete medallas e confirmaron o seu excelente inicio de tempada.
Sete medallas para o Marbel no Open Infantil de Castellón
As parellas formadas por Carla Seone e Beatriz Nesi na categoría sub 16, e por Álvaro Seoane e Alicia Pazos en sub 12, competiron na modalidade de Dúo Kata, logrando en ambas a medalla de Ouro, un resultado que reafirma o nivel técnico do club ourensán.
Os catro deportistas participaron tamén nas probas individuais de Ne Waza, mentres que Álvaro competiu ademais en Lucha Benjamín -40 kg. Os resultados deixaron un balance rotundo:
- Bronce para Alicia Pazos en -40 kg Alevín.
- Prata para Carla Seone en -48 Infantil.
- Bronce para Bea Nesi en -52 Infantil.
- Prata para Álvaro Seoane en Lucha Benjamín.
- Bronce para Álvaro en Ne Waza.
O cuarteto estivo dirixido polo mestre Felipe Iglesias, seleccionador galego e recente bicampión mundial de Dúo Kata Máster, quen destacou a solidez e progresión dos mozos nun torneo no que o Marbel asinou “unha actuación redonda”.