A Supercopa de Jiu Jitsu celebrouse o sábado 28 de novembro nas instalacións deportivas Chencho, en Castellón de la Plana.
O Jiu Jitsu Club Marbel asinou unha brillante actuación con seis medallas nas categorías Infantil, Cadete e Júnior.
Seis medallas para o Jiu Jitsu Marbel na Supercopa de Castellón
Pola mañá, o dúo sub 16 formado por Carla Seone e Beatriz Nesi brillou na modalidade de Kata, onde acadou o Ouro, froito dun traballo técnico pulido durante máis dun ano. As dúas ourensás completaron a xornada cun Bronce en Show, confirmando a súa boa progresión.
Xa pola tarde, o club ourensán volveu destacar nas probas individuais de Lucha e Ne Waza. A internacional Leire Carrera Prieto, en -57 kg feminina, conquistou un Ouro en Lucha. Tamén lograría un Bronce en Ne Waza, demostrando o seu alto nivel competitivo. Na categoría masculina -77 kg, Rodrigo Álvarez Gómez, con experiencia en campionatos nacionais, obtivo unha Prata en Ne Waza e un Bronce en Lucha, completando así unha colleita excepcional para o equipo.
O cuarteto estivo dirixido sobre o tatami polo Mestre Felipe Iglesias, seleccionador galego e recente bicampión mundial de Dúo Kata Máster, e pola Mestra Anita Fernández Moráis. Ambos destacaron a entrega do grupo e amosáronse moi satisfeitos cos resultados acadados.
