O Espazo OzocoGz do Carballiño pecha o ano con dúas actividades culturais que combinan divulgación, literatura e memoria histórica.
As presentacións terán lugar este xoves 11 e o sábado 13, e contarán coa presenza de voces destacadas da cultura galega.
Literatura e memoria no Espazo OzocoGz para despedir o ano
A primeira cita será o xoves 11 ás 19:00 horas, cunha dupla presentación que reunirá no espazo carballiñés as obras Castelao Entre Nós, 75 anos despois e Os soños de Daniel.
O autor Paco López-Barxas estará acompañado polo arqueólogo e historiador Felipe-Senén López, nun encontro orientado a profundar na figura de Castelao e nos relatos que recuperan a memoria colectiva.
Para o sábado 13 ás 12:30 horas, o local acollerá a escritora Carmen Penim, que presentará o seu libro A corazón aberto. Aprendendo a ser, unha obra centrada na reflexión vital e emocional, na que a autora afonda na procura do equilibrio persoal.
