A adxudicación da cafetería da Alameda en Ourense xa é oficial tras o acordo adoptado pola Xunta de Goberno Local este mediodía.
O Concello vén de conceder a explotación destas instalacións municipais á empresa Rossopizza 101 SL, que presentou a oferta considerada máis vantaxosa no proceso.
Rossopizza 101 xestionará a cafetería da Alameda durante unha década
A concesión demanial permitirá á firma xestionar a cafetería situada no Parque da Alameda durante un período de 10 anos. Como contraprestación, a empresa aboará ao Concello un canon anual de 73.805,16 euros (IVE incluído).
O acordo axústase aos pregos de prescricións técnicas e ás cláusulas administrativas que rexeron o procedemento, así como á proposta presentada pola adxudicataria.
