A Agrupación Cultural Avantar do Carballiño organiza un novo Roteiro Manuel María polas rúas da vila do Arenteiro.
Este acto cultural forma parte da programación do 50 aniversario da Agrupación Cultural Avantar.
Avantar organiza o Roteiro Manuel María
O evento terá lugar o domingo, 12 de xaneiro. O inicio da actividade será ás 11:30h no anfiteatro da Praza da Veracruz. A través da obra Cantigueiro do Orcellón, os participantes nesta actividade poderán percorrer a memoria de Manuel María e o seu vínculo coa vila do Carballiño.
Durante o percorrido deste roteiro, a música e a lectura estarán presentes para lembrar a figura do autor do poema «A Fala».
A interpretación musicalizada de varios poemas de Manuel María será o último acto previsto na Fonte de Flores, lugar de finalización deste evento cultural.
