O Club Ximnasia Ourense organiza as Escolas de Verán de Trampolín 2025, unha iniciativa que convida a nenos e nenas maiores de cinco anos a vivir un verán cheo de deporte, diversión e aprendizaxe.
As actividades terán lugar no Polideportivo Campo da Feira e desenvolveranse en catro semanas distintas entre xullo e agosto.
Escolas de Verán de Trampolín 2025
As datas dispoñibles son: do 14 ao 18 de xullo, do 21 ao 25 de xullo, do 28 de xullo ao 1 de agosto e do 4 ao 8 de agosto. O horario será de 10:00 a 14:00 horas, e as familias poderán reservar máis dunha semana se o desexan.
Este campamento está dirixido a fomentar a práctica deportiva en idade temperá, potenciando a coordinación, a disciplina e a expresión corporal a través do trampolín, unha das disciplinas máis dinámicas da ximnasia.
A actividade desenvolverase nun espazo seguro e adaptado, baixo a supervisión de persoal especializado do club.