As festas na honra a Nosa Señora da Guía regresan cun completo programa para os días 30 e 31 de maio e 1 de xuño de 2025.
A localidade prepárase para vivir tres intensas xornadas de celebración que combinarán gastronomía, música, espectáculos familiares e actos relixiosos.
Festas da Guía 2025: tradición, lume e música
O venres 30, a partir das 21:30 horas, arrincará a festa cunha gran churrascada veciñal. A noite culminará cunha verbena a cargo do Dúo Explosión, que porá o ritmo a unha xornada marcada polo encontro entre veciños.
O sábado 31 terá un marcado carácter festivo e tradicional. Ás 13:00 horas celebrarase unha gran tirada de fogos e, á mesma hora, os máis pequenos poderán gozar cos Aprendices Máxicos. Pola noite, ás 22:30 h, terá lugar a emblemática procesión de fachos, acompañada polo grupo Rebulir. A chegada da imaxe ao recinto marcará o inicio dun espectáculo a cargo da orquestra Escaparate, que tamén animará a verbena. A noite pecharase cunha nova tirada de fogos de luces.
O domingo 1 de xuño será unha xornada dedicada aos actos litúrxicos. Celebraranse misas ás 10:00 e 11:00 h, e a misa solemne das 12:00 h estará acompañada novamente por Rebulir, que tamén ofrecerá unha sesión vermú. A última misa terá lugar ás 18:00 h.
As festas da Guía 2025 representa un dos eventos máis destacados da contorna, cunha programación para todos os públicos e mantendo vivas as tradicións máis arraigadas.
