O Concello de Barbadás organiza un obradoiro de narración oral coa actriz Sabela Gago para o vindeiro xoves, 7 de outubro na Biblioteca municipal.
Dentro da programación que a Biblioteca Municipal de Barbadás programa de forma regular, atopamos esta vez un interesante obradoiro a cargo da actriz Sabela Gago.
Obradoiro de narración oral con Sabela Gago
«O señor do castelo» é o título da historia que Sabela Gago presentará os nenos e nenas asistentes. Un relato no que Felipa e Felipe, dúas pantasmas, buscan un lugar onde vivir. No medio dun bosque atopan un castelo e deciden convertelo no seu fogar.
Antes de «ocupalo», son advertidos de que o señor que habita o castelo non quere visitas que o molesten. Será coa axuda dos nenos e nenas do obradoiro que consigan atopar ó señor do castelo tras percorrer tódolos recunchos. A resolución da historia será desveleda ós asistentes a esta actividade para nenos e nenas de entre 5 e 10 anos.
O señor do castelo – Obradoiro de narración oral
Sabela Gago – actriz
- Lugar: Biblioteca Municipal de Barbadás
- Día: 7 de outubro
- Hora: 18h
- Participantes: nenos e nenas de 5 a 10 anos (prazas limitadas)
- Inscrición: no correo biblioteca@barbadas.es (incluír o nome, idade e teléfono de contacto)