Este xoves 13 de marzo, ás 12:00 horas, Ourense converterase nun dos epicentros da mobilización contra a precariedade laboral.
Esta concentración terá lugar diante do edificio de Ferro, no Campus As Lagoas.
Ourense acollerá unha concentración contra a precariedade laboral tras un asasinato no sector
O acto enmárcase dentro dunha convocatoria máis ampla que se estenderá tamén ás Facultades de Educación da Coruña, Santiago e Lugo. Estas mobilizacións prodúcense en resposta ao asasinato ocorrido o pasado domingo e como denuncia das condicións laborais que poñen en risco a vida das profesionais do sector.
Co lema «A precariedade laboral mata», a protesta busca chamar a atención sobre a urxente necesidade de reforzar as medidas de protección e seguridade no ámbito educativo e denunciar unha situación que afecta directamente ás traballadoras e traballadores.
Desde a organización fan un chamamento á participación, sinalando que a presenza cidadá será clave para visibilizar esta problemática e esixir cambios que garantan condicións laborais dignas e seguras.