O Ourense Atletismo sumou tres medallas no Campionato Galego de 10.000 metros absoluto, máster e sub13, e nos 5.000 sub20 e sub18, celebrado esta fin de semana na pista universitaria de Santiago de Compostela.
A actuación do club ourensán confirma o bo momento dos seus atletas nas probas de fondo.
Tres medallas para o Ourense Atletismo no Galego de fondo en pista
Na categoría absoluta feminina, Itzíar Manso proclamouse campioa galega dos 10.000 metros, cun excelente rexistro de 36:33.82, coroando unha carreira sólida e sen fisuras. No apartado máster, Saturnino González logrou o ouro na categoría M60, cun tempo de 37:59.40 que lle permitiu ser ademais o 20º clasificado absoluto. Tamén destacou Pablo Losada, quen foi segundo en M35 cun crono de 36:58.40, ocupando o 16º posto na clasificación xeral.
No 10.000 masculino absoluto, Martín Míguez foi sétimo cun tempo de 33:16.08, mentres que Miguel Ángel Álvarez non puido completar a proba.
Na distancia de 5.000 metros, a promesa Sabela Castelo colleitou a prata en categoría sub18, parando o cronómetro en 17:10.40, consolidándose como unha das grandes esperanzas da canteira ourensá.