Eventos

Presentación de Sportur Galicia 2022

A presentación de Sportur Galicia 2022 permitiu coñecer a programación que terá lugar durante a celebración deste evento os días 24 e 25 de novembro.

Expourense será o punto de encontro do deporte e o turismo durante a celebración do III Congreso Internacional de Turismo Deportivo e o V Salón do Deporte e Turismo Activo.

Presentación de Sportur Galicia 2022

A celebración destas dúas citas permitirán coñecer o potencial da comunidade galega como destino turístico no ámbito deportivo. O horario do evento será de 10h a 14h e de 16h a 20h.

No products found.

III Congreso Internacional de Turismo Deportivo

21 expertos forman parte deste congreso no que analizará a influencia que o deporte ten na oferta turística dun destino. Mediante a análise do impacto que o deporte ten en distintos lugares, explorarase a posibilidade de replicar o modelo noutras zonas. O impulso do turismo deportivo supón unha tarefa que permitiría incrementar os índices económicos e laborais.

Como mostra da importancia que a actividade deportiva ten nestes intres en Galicia temos que recordar dúas cifras:

  • 12.000 postos de traballo no sector deportivo en Galicia
  • 1.600 millóns de euros é o volume de negocio do deporte na nosa comunidade

Durante este congreso tamén se analizarán outros aspectos que xiran ó redor da práctica deportiva na actualidade:

  • Impacto nos Xeoparques Mundiais da UNESCO
  • Práctica deportiva en contornas naturais protexidas
  • Marco xurídico das actividades deportivas no medio rural
  • Fondos Next Generation en turismo deportivo
  • Plans de sustatabilidade turística en destino
  • Innovación en Turismo Deportivo
  • Impacto económico dos Campionatos de España de Atletismo

Entradas para o Congreso Internacional de Turismo Deportivo

A entrada para asistir ó Congreso de Turismo Deportivo é gratuíta. Só será preciso realizar unha inscrición previa na páxina web da organización.

Os asistentes poderán facelo de forma presencial (prazas esgotadas) ou virtual contando na actualidade con máis de 500 inscritos.

Presentación de Sportur Galicia 2022

V Salón do Deporte e Turismo Activo

Clubs e federacións de Galicia estarán presentes no V Salón do Deporte e Turismo Activo. O evento contará con 50 expositores que mostrarán as opcións existentes en turismo activo e deporte.

Estes expositores realizarán diversas exhibicións, adestramentos e clases durante o evento para dar a coñecer a súa actividade ós visitantes.

No traballo de promoción da practica deportiva como medio para mellorar a nosa calidade de vida, Sportur contará con máis de 70 actividades.

Algúns dos deportes e actividades que atoparemos en Sportur Galicia son:

  • Ciclismo
  • Escalada en rocódromo
  • Atletismo
  • Ximnasia Rítmica
  • Voleibol adaptado
  • Tai-Chi
  • Wushu
  • Deportes náuticos
  • Pitch and Putt
  • Esgrima antiga
  • Xadrez
  • Bádminton
  • Hockey
  • Torneo Intercentros «Xogando Atletismo»
  • Adestramentos con RunManiak coa participación do atleta Alex Fernández

Entradas para Sportur Galicia

As entradas para asistir a Sportur Galicia son de balde.

Publicaciones relacionadas

Botón volver arriba