O PSdeG-PSOE de Ourense e as Xuventudes Socialistas conmemoraron este venres o Día de Recoñecemento das Vítimas do Exilio.
Este acto, celebrado na Casa do Pobo, estivo centrado na defensa da memoria democrática e na homenaxe ás persoas obrigadas a abandonar España tras o golpe de Estado de 1936 e a ditadura franquista.
O PSdeG de Ourense reivindica a memoria do exilio
A xornada incluíu a proxección do documental “La tragedia del buen doctor: la historia de Juan Negrín” e varias intervencións de responsables socialistas.
O secretario xeral das Xuventudes Socialistas de Ourense, Miguel Gómez, destacou a necesidade de “honrar a memoria de todos aqueles que foron encarcerados nesa cela chamada exilio”. Lembrou que “España é filla da emigración e non pode ser nai da xenofobia”.
A deputada Marga Martín defendeu a Lei de Memoria Democrática como “imprescindible”. Pola súa banda, Carmen Rodríguez Dacosta subliñou o impacto humano e político que supuxo o exilio na historia do socialismo. O acto pechouse coa intervención de Xosé Lois Carrión, que puxo o foco na figura de Juan Negrín.
Desde o PSdeG-PSOE de Ourense sinalan que esta iniciativa busca manter viva a memoria das vítimas republicanas e os valores de liberdade, xustiza e solidariedade.