O subdelegado do Goberno en Ourense, Eladio Santos, mantivo esta mañá un encontro con representantes do Colexio de Economistas de Ourense.
Este encontro serviu para analizar a situación do sector na provincia e abordar as principais necesidades e retos do colectivo.
Reunión entre o subdelegado do Goberno e o Colexio de Economistas de Ourense
Na reunión participaron a presidenta do Colexio, María del Carmen Sampayo, e o vicepresidente, Julio Ramón Francisco Vila, quen trasladaron as inquedanzas dos profesionais da economía en Ourense. Durante o encontro, Santos escoitou as súa peticións e expresou o seu compromiso de fortalecer a comunicación entre a Subdelegación do Goberno e o colectivo de economistas.
Neste sentido, acordouse establecer canles de comunicación precisas para facilitar a difusión de información de interese relacionada coas distintas unidades da Subdelegación. Entre os temas tratados, destacaron os asuntos vinculados ao emprego, asesoramento económico e laboral.
O subdelegado do Goberno reafirmou a vontade de cooperación coa entidade profesional para dar resposta ás necesidades do sector e mellorar o acceso a recursos e servizos dispoñibles para os economistas ourensáns.