A escritora Rita Doallo presenta este sábado o libro Bigote de Tres Pelos na tenda OZOCOgz do Carballiño a partir das 12h.
«Que está a pasar na cara do Avó Luís? Vaites!, os tres pelos do seu bigote comezaron unha protesta. Teñen unha lista de demandas e todo. En que acabará todo isto?»
Rita Doallo presenta Bigote de Tres Pelos
Bigote de Tres Pelos, publicado no ano 2023, conta con ilustracións de Miguel Robledo. Esta presentación – obradoiro infantil, destinada a pequenos e maiores, terá lugar na tenda OZOCOgz situada na rúa Curros Enríquez.
