O Rotary Club de Ourense entrega unha doazón de 850€ á AECC de Ourense que foron recadados no III Campionato de Mus que organizou esta entidade.
Esta doazón irá destinada ó programa de «Axudas económicas para situacións de emerxencia social de toda a provincia de Ourense» que realiza a Asociación Española Contra o Cancro de Ourense.
O Rotary Club entrega unha doazón á AECC de Ourense
«Agradecidos pola implicación da nosa sociedade, neste caso, o Rotary Club Ourense pola organización do III Campionato de Mus, os cales veñen sumarse a todas esas accións que se fan externamente á nosa asociación e van destinadas a axudar a pacientes oncolóxicos en situacións de emerxencia social. Por tanto, seguir animando a todo o mundo a participar e axudar para chegar ao noso obxectivo, que cheguemos a todos os municipios da provincia de Ourense sen distinción» sinalou Germán Rodríguez-Saá, presidente da AECC de Ourense.
O acto de entrega do cheque co importe da doazón tivo lugar nas instalacións da AECC de Ourense.